Tashmë të gjitha partitë kanë publikuar listat prej 110 deputetëve që do të garojnë në Zgjedhjet e Jashtëzakonshme Parlamentare që mbahen më 28 dhjetor.
Kosova është në krizë për gati një vit për një formimin e një Qeverie, pasi zgjedhjet e rregullta të mbajtura më 9 shkurt 2025, ku fituese doli Lëvizja Vetëvendosje – nuk ia doli të formonte ekzekutivin, madje as opozita e deritashme nuk ishte kishte numra që të krijonte në anën tjetër një marrëveshje.
Kështu, mbi dhjetë muaj, Kosova ka mbetur peng e mosmarrëveshjeve mes partive politike, duke humbur shumë marrëveshje ndërkombëtare, raporton Telegrafi.
Kur janë publikuar listat zyrtare, partitë kanë bërë rifreskimin e tyre me emra të rinj, për arsye të ndryshme, si disa që kanë arritur të fitojnë pozitën e kryetarit të komunës apo për ndonjë çështje personale.
Telegrafi ka bërë një analizë në lidhje me rifreskimin e listave, duke shikuar nga emrat e rinj që janë futur në listë, kush është renditur më lartë nga zgjedhjet e kaluara dhe kush ka rënë më poshtë. Tek renditjet, disa kanë pranuar që të jenë më poshtë në renditje, siç është rasti i Abelard Tahirit nga PDK që në zgjedhjet e 9 shkurtit ishte numër 10-të, ndërsa tani është 110-të.
Lëvizja Vetëvendosje
Në listën e LVV për Zgjedhjet e Jashtëzakonshme që mbahen më 28 dhjetor po figurojnë 43 emra të rinj krahasuar me Zgjedhjet Parlamentare që janë mbajtur më 9 shkurt.
Në këtë listë për këto zgjedhje më lartë është renditur Hysen Durmishi, që është ngritur për 36 vende, pasi në zgjedhjet e kaluar ishte me numri 60-të, ndërsa tani e ka marrë 24-të.
Nga prurjet që u diskutuan më së shumti në opinion nga LVV dhe partnerët janë: Andin Hoti, Viktor Buzhala, Rufki Suma, Blerim Gashi.
Renditje më lartë:
DRITA PAJAZITI: 103 → 71, +32 pozita;
ADELINA GRAINCA: 70 → 40, +30 pozita;
TAULANT KELMENDI: 58 → 30, +28 pozita.
Renditje më poshtë ka marrë Dafina Gexha Bunjaku, që zgjedhjet e kaluara ishte në vendin e 36-të, ndërsa tani është në të 63-in.
Renditje më poshtë:
LUAN ALIU 64: → 88, –24 pozita;
GANI KRASNIQI: 27 → 49, –22 pozita;
BAJRAM MAVRIQI: 76 → 97, –21 pozita;
MYTAHER HASKUKA: 35 → 50, –15 pozita.
Partia Demokratike e Kosovës
Në listën e PDK-së për Zgjedhjet e Jashtëzakonshme që mbahen më 28 dhjetor figurojnë 65 emra të rinj krahasuar me Zgjedhjet Parlamentare që janë mbajtur më 9 shkurt.
Në këtë listë për këto zgjedhje më lartë është renditur Arben Mustafa, që është ngritur për 23 vende, pasi në zgjedhjet e kaluar ishte me numri 28-të, ndërsa tani e ka marrë atë 5.
Nga prurjet që u diskutuan më së shumti në opinion nga PDK dhe partnerët janë: Eman Rrahmani, Arian Tahiri, Shkumbin Demalijaj.
Renditje më lartë:
Besa Kabashi Ramaj: 27 → 6, +21;
Përparim Gruda: 29 → 15, +14;
Aurorë Osmani Buca: 47 → 33, +14.
Renditje më poshtë ka marrë Abelard Tahiri, që zgjedhjet e kaluara ishte në vendin e 10-të, ndërsa tani është në të 100-in.
Renditje më poshtë:
Besa Ismaili Ahmeti:41 → 60, –19;
Eliza Hoxha: 6 → 21, –15.
Lidhja Demokratike e Kosovës
Në listën e LDK-së për Zgjedhjet e Jashtëzakonshme që mbahen më 28 dhjetor figurojnë 63 emra të rinj krahasuar me Zgjedhjet Parlamentare që janë mbajtur më 9 shkurt.
Në këtë listë për këto zgjedhje më lartë është renditur Shaban Osmanaj, që është ngritur për 27 vende, pasi në zgjedhjet e kaluar ishte me numri 98-të, ndërsa tani e ka marrë atë 71.
Nga prurjet që u diskutuan më së shumti në opionin nga LDK janë: Ferid Agani, Janina Ymeri, Ukë Rugova, Ermal Sadiku.
Renditje më lartë:
Fadil Hadergjonaj: 37 → 20, +17;
Besian Mustafa: 22 → 14, +8;
Qendrim Softolli: 73 → 66, +7.
Renditje më poshtë ka marrë Kimete Kuka Hasallari, që zgjedhjet e kaluara ishte në vendin e 54-të, ndërsa tani është në të 90-in.
Renditje më poshtë:
Berat Rukiqi: 20 → 40, -20;
Valentina Bunjaku: 21 → 32, -11;
Arben Gashi: 14 → 23, -9.
Aleanca për Ardhmërinë e Kosovës
Tek AAK është një rast më ndryshe krahasuar me partitë e tjera, pasi në Zgjedhjet Parlamentare të mbajtura më 9 shkurt, ishin në koalicion me Nismën Socialdemokrate, me këta të fundit që në kuvend u ndanë në dy grupe parlamentare me Fatmir Limajn nga NISMA.
Në listën e AAK-së për Zgjedhjet e Jashtëzakonshme që mbahen më 28 dhjetor figurojnë 80 emra të rinj krahasuar me Zgjedhjet Parlamentare që janë mbajtur më 9 shkurt.
Në këtë listë për këto zgjedhje më lartë është renditur Haxhi Ibishi, që është ngritur për 63 vende, pasi në zgjedhjet e kaluar ishte me numri 85-të, ndërsa tani e ka marrë atë 22.
Nga prurjet në listë që u diskutuan më së shumti në opinion nga AAK janë: Agim Çeku, Burim Ramadani, Gani Dreshaj, Ardian Kastrati.
Renditje më lartë:
Besnik Krasniqi: 77 → 23, +54;
Edmond Hoxha: 98 → 62, +36;
Abdylnaser Sefa: 107 → 74, +33.
Në aspektin e renditjes më poshtë, edhe këtu kemi një rast të veçantë krahasuar me partitë e tjera më lartë, pasi Zafir Berisha është bashkuar në listën e AAK-së, mirëpo ka marrë një numër më lartë. Berisha në zgjedhjet e 9 shkurtit ishte renditur në vendin e 14-të, ndërsa në listën aktuale është në të 16-in, që i bie për dy pozita dallim vendi në renditje. /Telegrafi/
