Nexhmi Muqiqi: “Nuk ka serb të mirë” – paralajmërim për rrezikun politik

Nexhmi Muqiqi ka reaguar ashpër ndaj diskutimeve për rolin e Listës Serbe në institucionet e Kosovës.

Në një shkrim të tij, Muqiqi theksoi se edhe nëse kjo parti largohet, vendin mund ta zë një grupacion tjetër, sipas tij, edhe më i rrezikshëm.

“Kujdes kah po e qojmë vendin. Lëreni këto budallakina Lista–Qlista. Edhe nëse e heqim Listën Serbe, çfarë ndodhë? Do të vijë një grupacion tjetër edhe më i keq. Sepse është e kotë, nuk ka serb të mirë që do të punojë në të mirën e shqiptarëve”, ka shkruar Muqiqi.

Ai i ka cilësuar si “pallavra” deklaratat e politikanëve që, sipas tij, po e përdorin këtë temë për përfitime elektorale, duke i bërë thirrje qytetarëve të jenë më të kujdesshëm në raport me këto çështje.