Kryesuesi i Seancës Konstituive, Avni Dehari, dhe Grupi Parlamentar i Lëvizjes Vetëvendosje, sipas ministrit të Financave Hekuran Murati, kanë vepruar në përputhje të plotë me Kushtetutën nga data 15 prill deri më 26 korrik, duke u bazuar në Aktgjykimin KO119/2014.
Murati thekson se Kushtetuta e Kosovës nuk ka ndryshuar që nga ajo kohë, por sipas tij ka ndryshuar mënyra e interpretimit nga ana e Gjykatës Kushtetuese. Ai vlerëson se kjo ndodh për shkak se fituesi i zgjedhjeve tash është Lëvizja Vetëvendosje, e jo Partia Demokratike e Kosovës (PDK).
“Ky aktgjykim i publikuar dje duket sikur është shkruar në zyrat e PDK-së, për dallim nga ai i datës 26 qershor që megjithatë linte përshtypjen se kishte pasur kontribut edhe nga vetë Gjykata,” ka shkruar Murati.