Në një kohë kur shumë kompani përballen me kritika për kushtet e punës dhe trajtimin e punëtorëve, kompania “Meka Halal Food” po del të jetë një shembull pozitiv në sektorin privat në Kosovë.
E njohur për prodhimin dhe eksportimin e produkteve të përpunuara të mishit në tregjet vendore dhe ndërkombëtare, “Meka” ka treguar përkushtim jo vetëm ndaj cilësisë së produkteve, por edhe ndaj punonjësve të saj.
Sipas deklarimeve të mëhershme publike, kompania aplikon praktika si:
- Sigurim shëndetësor 100% për të gjithë punëtorët, një përfitim i rrallë në tregun vendor.
- Paga e 13-të dhe 14-të – e dhënë rregullisht për të shpërblyer punën dhe përkushtimin e stafit.
- Shpërblime për lindje fëmijësh, deri në 2,000 euro për rastet e binjakëve – si mbështetje për familjet e reja.
- Asnjë punëtor nuk është larguar gjatë pandemisë, madje janë paguar edhe ata të subvencionuar nga shteti, me të ardhura shtesë nga buxheti i vetë kompanisë.
Këto veprime tregojnë një qasje sociale që i shkon përtej fitimit, duke vënë në qendër njeriun dhe dinjitetin e punës.
“Meka” po ndërton një kulturë pune ku stafi ndjehet i vlerësuar, dhe ky model duhet të merret si inspirim për shumë biznese të tjera vendore.
Podujeva News vlerëson dhe inkurajon çdo përpjekje që promovon standarde të larta të punës dhe përkushtim ndaj zhvillimit të qëndrueshëm dhe etik në Kosovë.