Ministri në detyrë i Financave, Hekuran Murati, ka njoftuar që janë alokuar 2.7 milionë euro për pagesat e Trafikut Urban.
Pas këtij lajmi, ka reaguar edhe i pari i kryeqytetit, Përparim Rama, i cili ka mirëpritur alokimin e mjeteve, por gjithashtu ka kërkuar edhe alokimin e mjeteve të tjera në vlerë 25.9 milionë euro.
Drejtoria e Financave në Komunën e Prishtinës do të jetë sonte në punë edhe jashtë orarit të rregullt për të procesuar pagesat te Trafiku Urban.
Nëse e gjitha shkon sipas planit, Trafiku Urban mund të kthehet në qarkullim që nga dita e nesërme.