Kompania Rajonale e Ujësjellësit “Prishtina” ka nënshkruar kontratën për realizimin e disa projekteve të rëndësishme në Komunën e Podujevës, të cilat synojnë përmirësimin e furnizimit me ujë të pijshëm për qytetarët.
Projektet e planifikuara përfshijnë:
- Ndërtimin e rrjetit të ujësjellësit në fshatin Herticë,
- Rehabilitimin dhe ndërrimin e gypave të ujit në rrugët “Afrim Zhitia” dhe “Ilir Konushevci”,
- Ndërrimin e gypit kryesor në rrugën “Brigadat” në qytetin e Podujevës.
Sipas KRU “Prishtina”, këto investime pritet të rrisin ndjeshëm qëndrueshmërinë dhe cilësinë e furnizimit me ujë për banorët e zonave të përfshira.
Zbatimi i këtyre projekteve konsiderohet një hap i rëndësishëm drejt përmirësimit të infrastrukturës komunale dhe mirëqenies së qytetarëve të Podujevës.