Besart Kasumi, pjesëtar i Forcës së Sigurisë së Kosovës (FSK), është njeriu që gjeti trupin e pajetë të mërgimtarit në liqenin e Ujmanit, pas një kërkimi intensiv.
Besarti vjen nga një familje me traditë në misione të shpëtimit nën ujë – ai është i biri i zhytësit legjendar, Ismajl Kasumi, i njohur për sakrificën dhe përvojën e gjatë në shpëtimtarinë ujore.
Ky veprim është dëshmi e përkushtimit, profesionalizmit dhe guximit që ka ky brez i ri i shpëtimtarëve.
Ngushëllime familjes së mërgimtarit dhe respekt për ata që rrezikojnë jetën për të shpëtuar të tjerët.