Sipas të dhënave të publikuara nga Instituti GAP, kryetari i Komunës së Podujevës, Shpejtim Bulliqi (VV), po shënon një nivel të lartë të realizimit të zotimeve të tij në mandatin e dytë (2021–2025).
Nga gjithsej 61 premtime të dhëna, GAP raporton se:
- 37 janë përfunduar,
- 7 gjysmë të përmbushura,
- 13 janë në proces,
- ndërsa vetëm 4 nuk kanë filluar.
Kjo nënkupton se 93% e premtimeve të Bulliqit tashmë janë nisur ose realizuar, ndërsa vetëm 7% mbeten të pa filluara.
Sipas vlerësimit të GAP-it, Komuna e Podujevës nën qeverisjen e Vetëvendosjes renditet ndër komunat me përqindjen më të lartë të përmbushjes së zotimeve, duke reflektuar një menaxhim më efikas dhe të përkushtuar për zhvillimin lokal.