Podujevë, 23 shtator 2025 – Podujeva News raporton se Poliklinika Specialistike në Podujevë po zgjerohet me 15 shërbime të reja shëndetësore, duke ofruar kujdes më të avancuar për qytetarët e komunës. Kryetari i Komunës, Shpejtim Bulliqi, njoftoi se nga dita e martë, 24 shtator, në këtë qendër do të fillojnë punën 15 mjekë specialistë nga fusha të ndryshme.
Specialistët që do të jenë në shërbim përfshijnë: gjinekologun, reumatologun, kardiologun, endokrinologun, hematologun, gastroenterologun, nefrologun, pulmologun, ortopedin, kirurgun abdominal, kirurgun torakal, kirurgun vaskular, urologun, pediatrin dhe neurologun.
📅 Orari i shërbimeve:
-
Poliklinika do të funksionojë nga e hëna në të premten, prej orës 08:00 deri në 14:00, me katër ambulanca specialistike çdo ditë.
-
E hënë: Kardiologji, Hematologji, Pulmologji, Ortopedi
-
E martë: Reumatologji, Gastroenterologji, Kirurgji Abdominale, Pediatri
-
E mërkurë: Endokrinologji, Kirurgji Torakale, Kirurgji Vaskulare, Neurologji
-
E enjte: Kardiologji, Nefrologji, Urologji, Pediatri
-
E premte: Gjinekologji, Endokrinologji, Ortopedi, Neurologji
Ky hap vjen pas përurimit të Repartit të Hemodializës, duke e kthyer Poliklinikën Specialistike të Podujevës në një qendër gjithnjë e më të plotë të shërbimeve mjekësore.
Kryetari Bulliqi falënderoi Ministrinë e Shëndetësisë dhe Shërbimin Spitalor Klinik Universitar të Kosovës për mbështetjen në realizimin e këtij projekti.