Kandidati për Asamblenë Komunale të Podujevës nga Partia Demokratike e Kosovës (PDK), Nexhmi Muçiqi, ka komentuar propozimin e Lëvizjes Vetëvendosje për kryetar të Kuvendit të Kosovës.
Muçiqi ka përmendur qëndrimet e propozuarit, Hekuran Murati, ndaj veteranëve të UÇK-së në të kaluarën, duke i cilësuar si tregues të një qëndrimi të kundërt me këtë kategori.
Mendësia anti-UÇK e VV-së: Murati që sot u propozua për kryeparlamentar, dikur veteranët e UÇK-së i krahasonte me mercenarë. Shumë e thjeshtë, duhesh me qenë fort anti-UÇK, nëse do që VV me të nderu”, ka shkruar Muçiqi.
Ky reagim vjen pas zhvillimeve të fundit në Kuvendin e Kosovës, ku përzgjedhja e udhëheqësve të institucioneve ka ngjallur debate të shumta mes partive politike.