Kandidati për Asamblenë Komunale të Podujevës nga radhët e PDK-së, Nexhmi Muçiqi, ka reaguar sërish lidhur me gjendjen e infrastrukturës në fshatrat e Llapashticës. Ai ka theksuar se edhe problemet më elementare të qytetarëve po neglizhohen nga komuna.
“Sa më shumë që po kaloj në të dy Llapashticat, po hasi në nevoja të mëdha të qytetarëve, e të cilat punë për komunën janë aqë të vogla, saqë vetëm me pak angazhim do të kryheshin qysh moti. Si është e mundur që qytetari i bën 7 kërkesa për hapjen e një pusetë të mbyllur të kanalizimit, dhe për tri vite asnjë njeri nuk merret me të…?”, ka shkruar Muçiqi.
Ai shtoi se pas 12 tetorit, qytetarët nuk do të përballen më me neglizhencë të tillë:
“Gjërat e vogla për institucionet, por shumë të rëndësishme për qytetarët, do të marrin fund.”