Gjatë javës së kaluar, xhamia e fshatit Revuçë ka realizuar shpërndarjen e 98 çantave me pajisje shkollore për nxënësit e disa fshatrave të rajonit të Llapit.
Ky aktivitet u bë i mundur falë kontributit të afaristëve dhe mërgimtarëve llapjanë, të cilët ndihmuan në sigurimin e mjeteve shkollore për fëmijët, duke i lehtësuar familjet në prag të fillimit të vitit të ri shkollor.
Nga xhamia e Revuçës u shpreh mirënjohja për të gjithë ata që kontribuan në këtë iniciativë humanitare, e cila tashmë është bërë traditë në ndihmë të nxënësve.