Sot gjatë ditës janë shënuar sërish tollovi të mëdha në rrugën Prishtinë–Podujevë, me kolona të gjata automjetesh që janë zvarritur për kilometra të tërë.
Shkaktar kryesor i kësaj situate kaotike mbetet vonesa në përfundimin e punimeve në infrastrukturë, veçanërisht ndërtimi i urave përgjatë këtij aksi rrugor. Këto vonesa, që po zgjasin tash e një kohë, po e rëndojnë dukshëm qarkullimin dhe po krijojnë pengesa serioze për qytetarët, punëtorët dhe mërgimtarët që e përdorin këtë rrugë çdo ditë.